Landsbankinn hf.: Landsbankinn semur um viðskiptavakt með sértryggð skuldabréf

Landsbankinn hf. hefur undirritað samninga við Arion banka hf., Íslandsbanka hf. og Kviku banka hf. um viðskiptavakt á eftirmarkaði með sértryggð skuldabréf útgefin af Landsbankanum. Skuldabréfin eru skráð á Nasdaq Iceland og taka skyldur viðskiptavaka samkvæmt samningi gildi þann 6. október 2026.

Viðskiptavakar munu fyrir opnun markaða dag hvern setja fram kaup- og sölutilboð í sértryggð skuldabréf útgefin af Landsbankanum. Lágmarksfjárhæð tilboða eru sem hér segir:

Stærð flokks (ma.kr.)	Nafnverð tilboða (m.kr.)
0 - 3	0
3 - 5	20
5 - 10	60
10 +	80

Lágmarksfjárhæð tilboða í verðtryggðu flokkana LBANK CBI 26 og LBANK CBI 28 miðast við 40 m.kr. að nafnverði.

Skyldur einstakra viðskiptavaka falla niður á tilteknum viðskiptadegi ef viðskiptavaki hefur átt viðskipti (tilgreind „Standard“) með sértryggð skuldabréf fyrir 500 m. kr. að nafnverði samanlagt í þeim flokkum sem samningurinn nær til.

Hámarksmunur kaup- og sölutilboða ákvarðast af verði gildra tilboða og tekur mið af árafjölda til lokagjalddaga sértryggðu skuldabréfanna, á hverjum tíma, í samræmi við eftirfarandi töflu:

Tími til lokagjalddaga	Hámarksverðmunur
0 - 6 mán	Enginn
6 mán - 2 ár	0.20%
2 - 4 ár	0.30%
4 - 6 ár	0.35%
6 - 9 ár	0.60%
9 - 12 ár	0.70%
12 - 18 ár	1.00%
18 ár eða lengri	1.15%

Verðtryggðir flokkar með skemmri líftíma en tvö ár eru undanþegnir ofangreindum kvöðum um hámarksmun kaup- og sölutilboða.

Frá gildistöku samninga um viðskiptavakt geta viðskiptavakar fengið tímabundin bréfalán í flokki þeirra skuldabréfa sem samningurinn tekur til. Hámarkslán til einstakra viðskiptavaka er 320 m. kr. að nafnverði í hverjum flokki.